სიახლეების გამოწერა

მათემატიკის და ფრანგული ენის ეროვნული სასწავლო ოლიმპიადის მესამე ტურის შედეგები და აპელაცია
ოლიმპიადის პირველი ადგილის მფლობელია (გამარჯვებულია) ის ოლიმპიადის მონაწილე, რომელმაც მესამე ტურში დააგროვა შესაბამისი საგნის ტესტის მაქსიმალური ქულის არანაკლებ 60%-ი და მოხვდა შესაბამისი კლასის/კლასების და საგნის რეიტინგული სიის პირველ ადგილზე.

ოლიმპიადის მე-2-მე-10 ადგილის მფლობელია (გამარჯვებულია) ის ოლიმპიადის მონაწილე, რომელმაც მესამე ტურში დააგროვა შესაბამისი საგნის ტესტის მაქსიმალური ქულის არანკლებ 60%-ი და მოხვდა შესაბამისი კლასის/კლასების და საგნის რეიტინგული სიის მე-2-მე-10 ადგილზე.

თუ ოლიმპიადის მონაწილეთა რეიტინგული სიის პირველ ათ ოლიმპიადის მონაწილეს თანაბარი ქულები აქვთ მაშინ, რეიტინგული სიის შექმნის მიზნით, გათვალისწინებული იქნება თანაბარი ქულების მქონე ოლიმპიადის მონაწილეების მეორე ტურში მიღებული ქულები. იმ შემთხვევაში, თუ მეორე ტურის შედეგების შეჯამების შემდეგ ოლიმპიადის მონაწილეებს თანაბარი ქულები აქვთ, რეიტინგული სიის შექმნის მიზნით, გათვალისწინებული იქნება თანაბარი ქულების მქონე ოლიმპიადის მონაწილეების პირველ ტურში მიღებული ქულები.


მათემატიკის და ფრანგული ენის ეროვნული სასწავლო ოლიმპიადის მესამე ტურის მაქსიმალური ქულა:

მათემატიკა - 25 ქულა;
ფრანგული ენა - 60 ქულა.

აღსანიშნავია, რომ წარმოდგენილი შედეგები შესაძლებელია აპელაციის შემდეგ შეიცვალოს.


მათემატიკის და ფრანგული ენის ეროვნული სასწავლო ოლიმპიადის მესამე ტურის აპელაცია

მათემატიკის და ფრანგული ენის ოლიმპიადის მონაწილის საპრეტენზიო განაცხადი სსიპ - გამოცდების ეროვნულ ცენრში მიიღება 29 და 30 მარტს 10:00 საათიდან 18:00 საათამდე.

• თბილისი - გამოცდების ეროვნული ცენტრი - მინდელის ქუჩა N9 (ნუცუბიძის ქუჩის ბოლოში);
• რაიონებში - საგანმანათლებლო რესურსცენტრებში.

ოლიმპიადის მონაწილემ განაცხადი უნდა წარმოადგინოს მხოლოდ წერილობით.


28 /03/ 2012